Das Fasnetslied der NZ Schemmerhofen
© by Mc Kies and the Mörtelmakers
Hokama sind b'sonders dra, dia hand am Häs n Hoka da ond ziehet d'Leit n Gompa nei, dia Waidäg land des Zuig it sei oho, in Schemmern jo do isch halt so. Sche-ho, Sche-ho, Sche-ho, hey
Mühlbachweible desch'd a Deng, dia mahlet Säckweiß Woiza zam des Mehl des soddet se verkaufa, doch dia dand viel lieber oho in Schemmern jo do isch halt so. Sche-ho, Sche-ho, Sche-ho, hey
Meischdens kommet se m'Rudel, g'moit hanne dia Laiabudel, saufet viel bis nix me geit, ver'schregget d'Leit zom Zeitvertreib oho in Schemmern jo do isch halt so. Sche-ho, Sche-ho, Sche-ho, hey
Hera duat mes scho von Weit, vom Fanfarazug dia Leit dia trommlet fescht ond bloßet laut, bisses von de Sitz nahaut oho in Schemmern jo do isch halt so. Sche-ho, Sche-ho, Sche-ho hey
Gardemädla kascht do no, dia lupfet ihre Fias sche-ho der A'blick des frait jeden Ma, ond scho geits ois an d'Ohra na, oho in Schemmern jo do isch halt so. Sche-ho, Sche-ho, Sche-ho, hey
Ganz bekannt n Oberschwaba sand am Jürgen seine Wada stramm sind se, so stramm wias goht, au beim Rest vom Elferrat, oho in Schemmern jo do isch halt so. Sche-ho, Sche-ho, Sche-ho, hey